Эъломи расмии Амрико ба афзоиши омори низомиёнаш дар Сурия, густариши қатлу ғорат дар ин кишвар, ишғоли 95 дарсади устони Қунайтараи Сурия тавассути режими саҳюнистӣ гузидае аз охирин таҳаввулоти Сурия аст, ки дар ин бастаи хабарӣ аз “Порс-Тудей” мехонед:
Саҳюнистҳо 95 дарсади устони Қунайтараи Сурияро ишғол кардаанд
Ба гузориши “Алъолам”, ҳудуди 95 дарсади устони Қунайтараи Сурия тавассути режими саҳюнистӣ ишғол шудааст. Гузоришҳои расонаӣ низ аз тамаркузи неруҳои режими ишғолгар барои ҳузур дар тамомии теппаҳои роҳбурдӣ ва дар дохили подгонҳои низомӣ дар устони Қунайтара, баъд аз интиқоли таҷҳизоти изофа ба минтақа хабар додаанд ва ин вазъият ба дунболи ишғоли ҳудуди 95 дарсад аз ин устон тавассути саҳюнистҳо сурат гирифтааст.
Паёми режими саҳюнистӣ ба Ҷулонӣ: Аз Сурия хориҷ намешавем
Рӯзномаи «Едиот Аҳронот» навишт: Бо вуҷуди ирсоли паёмҳои муҳофизакоронаи ҳудуди як ҳафтаи пеши Аҳмад Ашшаръ (Абумуҳаммад Ал-Ҷулонӣ), фармондеҳи Ҳайати Таҳрируш-Шом дар хусуси инки вай қасди даргирӣ бо Исроилро надорад, мақомоти режими саҳюнистӣ паёмеро ба ҳокимони ҷадиди Димишқ ирсол ва эълом карданд, ҳеҷ гуна иқдоми аносири Ҳайати Таҳрируш-Шом барои дастрасӣ ба ҷануби Сурияро намепазиранд.
Эъломи расмии Амрико ба афзоиши чашмгири омори низомиёнаш дар Сурия
Шабакаи Си Эн Эн ба нақл аз мақомоти низомии Амрико эълом кард, ки теъдоди низомиёни ин кишвар, мустақар дар Сурия, аз замони оғози ҷанги Ғазза (ҳафтуми октябри 2023) ба таври чашмгире афзоиш ёфтааст. Ба гуфтаи ин манобеъ, дар ҳоли ҳозир беш аз 2500 низомии амрикоӣ дар Сурия мустақар ҳастанд. Албатта Си Эн Эн ба нақл аз ин масъулон афзуд, ки Пентагон (Вазорати дифои Амрико) барои иҷтиноб аз хашмгин шудани кишварҳои ҳамсоя, дар ифшои омори дақиқи низомиёни амрикоӣ дар Сурия тардид доштааст.
Густариши қатлу ғорат дар Сурия. Ҳар 10 дақиқа як ҳамла аз сӯи аносири Ал-Ҷулонӣ
Манобеи сурӣ бо эъломи инки 920 дарсад аз ҳақоиқ дар ин кишвар дар расонаҳои ҷамъӣ мунташир намешавад, эълом карданд, таҷовузот алайҳи ақаллиятҳо дар Сурия, ба вижа манотиқи соҳилӣ аз сӯи аносири террорист ташдид шудааст. Дар ҳамин хусус хабаргузории “Меҳр” имрӯз - сешанбе ба нақл аз “Алмаълума” эълом кард: Ҳар 10 дақиқа як ҳамла барои рабоиш, террор ё ғорат дар Сурия сурат мегирад. То кунун шаш таҷаммуи эътирозомез тайи 2 рӯз баргузор шуда ва ба назар мерасад хашми мардумӣ дар Сурия тайи рӯзҳои оянда дар сояи таҷовузоти аносири Ал-Ҷулонӣ ташдид шавад.
